【本報訊】行政會議召集人林煥光昨首評論亞視欠薪事件，表示同情亞視員工，指管理層要負很大責任，「我做咗四十年公務，未見過咁荒謬嘅情況，可以股東唔出糧畀員工，仲要求話你需要錢問我借，我認為係荒謬，簡直係荒謬」。
不評續牌是否更荒謬
林煥光促當局向亞視管理層施壓，盡快解決欠薪困局。
盛傳特首梁振英欲保住亞視牌照，林煥光發言後被問到，若政府批准亞視續牌是否更荒謬。林煥光說，未有收到有關亞視續牌的任何訊息，故不作評論，但指行政會議收到有關申請時，會依法處理。立法會昨也討論亞視續牌事宜，民主黨單仲偕指亞視已成「三冇」電視台，「冇糧出、冇質素、冇人睇，只有重播，好多人覺得，執咗都冇所謂」。
他續稱，亞視牌照今年十月底到期，惟梁振英遲遲不肯公佈拒絕亞視續牌，變相容許亞視可繼續經營多十二個月。公民黨毛孟靜則指，造成亞視今天拖糧、借錢的亂局，政府絕對有責任，憂行會會予以續牌，「入咗去行會就無底深潭，係黑洞嚟，你想點就點」。
■記者王家文