我哋平常講嘢把聲，同要喺攝影機前拍攝時用嘅聲線，其實係有分別嘅。方健儀都話，自己第一次讀稿唔識用聲︰「我係做電台嘅，我記得第一次電台播自己嘅稿，係用我把聲講嘅。當時我都唔識用自己把聲，後來自己聽返，點解咁難聽㗎！」
相信唱K嘅時候大家試得多，梗係聽到自己把聲怪怪咁，但其實係可以訓練到自己，運用到一把好聽嘅聲線㗎。方健儀就話︰「當時有位編輯，佢把聲好好聽，係一把公認嘅靚聲，但佢同我講，佢話佢把聲，都要花三、四年時間，先至慢慢tune到出嚟！結果係真嘅，我發覺慢慢就會捉到！」究竟點樣整出嚟？
星期三至日《亂噏24》！方健儀教你用聲！