噚日立法會建制派出現「食餅潮」，先有二月農曆新年前結婚嘅工聯會郭偉強，攞住盒西餅喺立法會走廊周圍派，其後鄉議局主席、經民聯議員劉皇發，又獲一班黨友送上驚喜，由屯門召佢返金鐘立法會，話有個緊急會議要發叔出席。
之後發叔先知，原來係幫佢慶祝七十九歲生日，即使立法會鳴鐘召議員返議事廳投票，專注慶祝嘅經民聯議員都話之佢。
經民聯為發叔準備咗個寫上「越來越後生」蛋糕，但發叔切完餅後，黨友石禮謙即時遞上個蛋撻，叫發叔要「食嚿黃嘢」（圖），暗示該黨政治正確「反佔中」，搞到發叔最終只係食撻。發叔就話，生日願望係「香港和平」同「黨務興隆」。