最近大家對六七八九呢幾個冧巴特別敏感，冧巴呢回事，確係容易令人有好多聯想，上市公司咪鍾意揀靚冧巴做上市編號，貪意頭好囉，工商銀行（1398）二○○六年來港上市，就用咗呢個諧音似「一生夠發」嘅靚冧巴，華華近日行過停車場亦發現一部掛住「1398HK」嘅靚車，但車牌並非以工行登記，車主姓羅，唔知佢有冇揸住好多工行股票呢？