現年四十九歲的劉嘉玲最近將素顏照放上互聯網，又在新片《賭城風雲II》中大騷身材兼和周潤發咀嘴，發哥更加越來越年輕，兩位影壇前輩彷彿回春一樣。戲中嘉玲飾演發哥舊情人，在泰國芭堤雅拍了五天戲份，和發哥拍拖親熱，又上演濕身透視比堅尼、sarong裙露玉腿在遊艇飲香檳媾仔，性感Deep V扮賭客等，處處表現風騷，但原來演戲經驗豐富的嘉玲，竟然最怕和發哥拍咀嘴戲。嘉玲說：「導演要我拍啲驚心動魄、激烈嘅親熱戲，搞到我好緊張，好彩個景好靚，感覺都幾浪漫，我都好享受咁拍呢場親吻戲。」
發哥讚越大越靚
發哥在二○一○年和嘉玲參與電影《讓子彈飛》的演出，不過沒對手戲，對上一次合作是《江湖情》及《我愛扭紋柴》，嘉玲也說：「正確嚟講，應該有二十年冇合作。」發哥即大讚多年冇見的嘉玲「越大越靚」，他笑說：「佢比以前仲靚咗，真係靚到dum一聲！嘉玲姐今次演出真係瀟灑自如，同佢合作係一個浪漫回憶。」嘉玲認同地說：「今次我喺泰國拍咗五日戲，真係覺得有啲唔夠喉，好期待下一部戲再同發哥做對手戲。」
嘉玲自言二十年後再拍發哥，感覺他成熟了，她說：「我哋都成熟咗，每日開工見到發哥感覺好似親人一樣，好親切，佢會同我分享人生觀、閱歷同見聞，行山、飲食、養生，尤其係點樣關注健康，我喺佢身上學到好多嘢，佢好似是一本百科全書咁，有好豐富嘅知識，有乜嘢問題都可以去問佢，我都想跟佢去行山呀！」
撰文：麥萍萍
