去年創「黑奴論」比喻爭取真正普選港人的港區人大兼行政會議成員史美倫又有新猷。她日前以金發局主席身份，發表《發展香港金融服務業人力資源報告》，指香港金融各界別都缺乏人才，香港亦缺乏私募基金及對沖基金，需要輸入人才幫助業界發展。
正當準備跟財金界朋友分享這笑話之際，一家大型私募基金「阿頭」已忍不住打電話給密西比，電話甫接通已破口大駡。
他說︰「香港無私募基金同對沖基金？唔通我日日喺度扮返工？我公司唔通又係好似大陸嗰啲假銀行咁，係假基金公司？」
越講越火起。他指：「要輸入人才發展？唔夠高層？唔該去中環同金鐘啲大廈水牌睇吓，我唔敢講全球大型基金都喺香港有辦公室，總之嚟自唔同地方嘅出名基金公司，喺香港都可以搵到佢哋蹤影。」
火氣一發不可收拾。他續說︰「喺發展基金方面，香港一直都有輸入海外專才，係真真正正嘅專才，唔係近幾年只靠關係嚟香港嘅內地人！唔該佢哋睇清楚個真實情況先好講啦！」真與假，看來都已被立場掩蓋了。
密西比