杯葛美國貨，甚至要杯葛聖誕節的內地人，有福了。因為偉大的小米，有意推出舊機換新機，顧客可用舊iPhone換新小米手機，堅持支持國貨的路線。（利申，費清愛得不夠，仍用iPhone。）
#疑屬炒作技倆
小米網新媒體總監鍾雨飛日前發嘅微博，有超過一萬二千個轉發，因為聲稱徵求意見，擬只要用iPhone 5s同埋之前嘅手機，不管好壞，可免費換小米Note標準版；iPhone 6及iPhone 6 Plus，就可換小米Note頂級配置版。小米Note標價二千二百幾人仔（約二千八百幾港幣），頂級配置版標價三千二百幾人仔（約四千港幣）。
結果唔只港台海外網友恥笑，連內地網友都留言笑佢自作多情，「哪個正常人會在用iPhone之後去用小米？」先達賣手機嘅Lo哥都話，「冇嘢呀，iPhone 6五千至八千一部，就算iPhone 5s，回收價都一千七百啦。而且用慣iPhone好少會用小米」。
結果，鍾雨飛好快就再發微博，話知道大家都唔認同呢個做法；他個人攞三台小米Note徵求各位大大換機理由。睇怕，呢次又係小米炒作手法，雖然係有人講，但恥笑居多。咁算唔算係低莊嘅公關手法？
費清＃要生計，也要生活＃毋忘初衷