鄭融約滿星娛樂後失蹤一輪，被網友在討論區開尋人啟事，昨早她終現身參加半馬比賽，還自備計時器計算成績，怎知計時器去到十八公里時卻暫停，她說：「跑時諗住自己好鍾意行街，一諗行街就唔覺得攰，又諗起細個同家人出街，俾媽咪鬧行得快。」問到有否諗事業？她說：「成日都要諗事業，要好專心先完成，自己同唱片公司完約，傾緊其他公司，最基本係堅持唱歌同音樂，知道唱片市道好吃力，要同新接觸公司慢慢傾，𠵱家好盛行網上宣傳，總之自己對唱歌好有心。」
鄭融舊公司歌手Regen（張惠雅）首次跑半馬，她昨在社交網站興奮留言：「阿媽！我得咗喇！」還寫道：「平時成日覺得會有鬼企喺隧道有啲陰森，不過今日好熱鬧陽氣好盛。」陳家樂亦在微博留言沒想過可以跑完半馬。