司馬燕的遺體昨已運抵溫哥華，其表妹陳麗文（Polly）日前已表示不會到加國出席喪禮，Polly昨穿上黑色裙到尖沙嘴出席活動。
有指司馬燕平安夜開P病照曝光，令吳忠義不悅，所以Polly前日未獲邀到香港殯儀館參加司馬燕遺體告別儀式和加國喪禮，Polly說：「呢啲嘢唔係咁緊要，一切在心中，我都關心但唔會公佈，有祈福盡心意。Michelle（司馬燕）老公係一個好好先生，唔會咁易嬲人，佢避開你哋（傳媒）係好正常。唔好着眼有冇去到，既然Michelle塵歸塵，土歸土，屋企人心情係點冇人會明，佢哋想靜靜哋，大家咪封嘴唔過問。朋友教我『當表姐去咗移民』，移民唔會成日見，個心都好啲。」她強調在司馬燕死後有見吳忠義：「我哋有見面，我唔會講邊日。」
採訪、攝影：王連連