想爭取向上流嘅學生，又有黃金機會嘞！由人稱大K、郭炳湘創立嘅「郭氏獎學金」，接受緊新一輪申請，用以資助四個香港同中國內地優秀學生，負笈牛津攻讀本科或公共政策碩士課程。大K喺「郭氏獎學金」新網頁致辭話，都好希望攞到呢個獎學金學成歸來後嘅同學仔，返港後投身公共服務，包括入政府、政黨、智囊、非政府機構甚至傳媒喎，話覺得咁樣有利推動香港同中國內地發展。
考到「郭氏獎學金」嘅同學會獲全額學費同生活津貼，今年秋季開學，有興趣可到網頁 http://www.kwokscholars.org或電郵mailto:[email protected]查詢。