【投產勢增】
內地燃氣股升勢短期受油價波動影響，劉顯達認為風電板塊的發展則無懼油價跌勢，看好今年風電股的走勢，「加上上年風電股嘅盈利較差，比平均低7%，今年比舊年表現好嘅機會係85%，而且風電好多係高負債，內地減息非常利好」。
劉顯達相信今年內投產的風電場將較以往增加，未受油價影響。「因為明年投產嘅風電場亦會調低上網電價，平均平2.7%，所以公司一定會趕喺年底前投產」。
受惠中央減排
他認為目前國內用電量有近七成來自煤電，「若要減排減低煤嘅比例，就要提升風電同太陽能用量嘅比例。」現時國內政府對風電發展亦定下明確目標，包括在今年達至裝機容量100gw的目標。「二○二○年目標係200gw，五年內都增加一倍啦。」他指出，現時風電僅佔整體用電量3%，比例仍非常低，「所以個增長空間仍然好大」。
對於近年太陽能發電的發展步伐加快，會否影響風電的發展前景，他則斷言不可能。「國家係要同時提升天然氣、太陽能同風電呢類清潔能源嘅用量，減低煤嘅依賴，唔會淨係發展太陽能其中一種就算。」