【評論政治】
銀娛（027）副主席呂耀東雖然是全國政協委員，但過去一直都多談生意，少談政治。不過，對於早前發生的雨傘運動，他亦罕有地主動作出點評，「最好結果出嚟都係大家尊重法律，呢樣係一件好事，起碼畀到外國人睇香港人始終尊重法律」。
對於現時的後佔領時代，呂耀東表示，「我相信（現時）好過幾個月之前，起碼睇得到有個曙光，可以行得到」。他相信社會間的爭拗亦已較之前為少，「要拗嘅嘢都拗到七七八八」。
作為前特首董建華牽頭成立的智庫「團結香港基金會」中的一員，呂耀東亦有撐董建華當年提出的八萬五房屋政策，「其實你睇返八萬五，如果嗰陣一直有做八萬五，咁今日咪冇事囉」。雖然家族生意嘉華國際（173）為本地龍頭地產商之一，但呂耀東不但不怕「倒自己米」，更支持現屆政府提出的房屋政策，「如果真係執行得到，一定比過去果五年好，起碼樓都會多咗，後生嘅朋友得到好處，各方面嘅戾氣無咁重」。