樓價真的太高嗎？從最近成交來看的確係，但市場還是出現追價同爭單位的實況。縱使特首梁振英講明會扭轉過去供求失衡現象，但供應未到位，街頭智慧都係買咗先算。
雖然實際工資加幅不及樓價升得快，但從成交背後觀察，近年累積的購買力，包括手頭上有積蓄的上車客，甚至是父母給首期的年輕客，扣除個別新盤吸引收租投資客外，基本上是用家入場，若樓價真的跌下來，最傷不是這批人，既然要住便要高溢價上車，是常識吧。
學者及市場人士多預期今年樓價會跌，但跌幅少於三成，即是未跌破三成首期上限，對於一班長期租樓或住在擠迫戶的市民，買樓起碼自己是業主，供樓當交租畀自己。近排金管局向銀行重新發出指引，對租金收入打七折，借貸人的財務負擔進一步收緊，只是針對投資者和非住宅類物業為主，銀行對自住用家有一套風險評估，壓力測試按現時息率加三厘水平來平衡借貸風險，金管局不敢對用家做得太過份，非理性收緊按揭會影響用家上車。
毋庸置疑，樓市出現小陽春，二線樓陸續破頂，封盤加價潮將持續，若閣下非買不可，便要接受畀貴啲、住細啲的現實，總有一班高位止賺的人，甚或因為在半年換樓期限內要沽舊居的業主。
除非你相信短期樓市會掉頭下跌，那麼便要面對接受高價的現實。
劉兆昌
資深地產傳媒人
http://www.HKLau.com