名門女人愛珠光寶氣、品牌新裝未上架先上身、一個鱷魚皮鑽石釦birkin夠煞，輕易奪取別人目光，男士有甚麼可晒？富二代陳柏熹（Harris）想也不想：「一係車，一係錶，我屋企人自細已經教我，錶保值又耐看，我覺得價錢唔係最重要，重要係佢哋背後都有故事。」家儲數千萬元名錶，Harris希望將所有代代相傳，留給陳家後裔。
採訪：羅慧敏
現年二十七歲的陳柏熹（Harris），人所共知是時裝品牌Moiselle太子爺，跟城中富二代包括何超盈、邢嘉倩及林心兒等老友鬼鬼，Harris於富二代好友中擔綱中堅份子，朋友遇到麻煩，有爭執，他總是傾訴對象，除了吃喝玩樂，Harris也有一份責任，他承諾要做好由父親創下的服裝王國。
家儲六十珍品
二零零九年於英國倫敦設計學院Design & Fashion Management畢業後，便加入父親的Moiselle集團，現為集團的創作總監。
Harris自小受到父母的薰陶，除喜歡所有靚的東西，原來也有股儲錶癮，女士晒珠寶首飾、衫褲鞋襪；男士晒錶也理所當然，年紀輕輕的Harris現時已收藏近六十隻錶，Rolex、Patek Philippe、Audemars Piguet與Panerai等說得出的品牌都有，他更笑言希望越儲越多，他說：「我爸爸好鍾意錶，細個嘅時候一齊去瑞士，都會同啲uncle一齊去買錶，可能自小培養出我都好鍾意睇靚錶，爸爸教我買錶可以保存、價值高。而媽咪就成日講，買錶好，睇人戴錶就可以睇到個人係咪有時間觀念。我自己就覺得男人冇乜好買，女人就買耳環、戒指同頸鏈，男人有乜晒？我又唔鍾意戴首飾。」
欣賞名錶內涵
其實Harris相當幸福，名錶多是由父母送贈，自己掏腰包買的手錶只是佔收藏中的四隻，他說：「好多都係我爸爸媽咪送，我自己唔會隨便買，我鍾意喺一啲特別嘅時刻買，好似開心、唔開心嘅時候，而珍藏嘅手錶，多數去ball或者一啲重要嘅場合先拎出嚟戴，自己嚟嚟去去都係戴嗰兩、三隻，返工見客都係戴G-Shock最舒服。」
拍攝當日Harris從家中夾萬帶了十隻腕錶，從第一隻G-Shock膠錶、到價值百多萬的Patek Philippe，每隻手錶背後都有它的故事，他說：「我記得細個最鍾意就係G-Shock，嗰陣時貴嘅錶我仲未識得佢哋嘅內涵，到大咗先識得錶係有價值，我覺得錶係要代代相傳，我會將所有嘅都留畀個仔，第一隻G-Shock唔值錢，老咗鑲起佢。」
【錶的故事】
Panerai Luminor Marina腕錶 約4萬
大學最後一年，Harris首次接觸Panerai，一位uncle跟他說品牌將成為大熱，於是便自掏腰包買下。
Patek Philippe腕錶 約130萬元
二十二歲那年，Harris深受Patek Philippe手錶簡單的設計、產量少與「襟睇」所吸引，短短數年已升價數十萬。
Rolex Sky-Dweller玫瑰金腕錶 約30萬
玫瑰金色是Harris眾多腕錶中較少有的，他覺得玫瑰金較成熟，在隆重場合時才會選擇配戴。
Rolex Daytona黃金鑲鑽古董腕錶 約60萬元
勞力士的三圈是Harris至愛，父母每逢看到漂亮又抵買的，都總會買下送給Harris，二○○六年，父親賺得第一桶金，將古董Rolex買下送給Harris。
白色Casio G-Shock 約一千五百元
Cartier腕錶 約3萬元
十歲時人生第一次買G- Shock，陳太卻嚷着送上Cartier給Harris，Harris笑說：「當時真係冇feel。」
發霉椰子糖當寶
年輕人愛玩愛蒲無可厚非，二十七歲的Harris臉上依然一股稚氣，幸福富二代的背後，他自言要付出更多，希望努力「洗底」除去愛蒲爛玩形象，現時Harris於父親建立的服裝王國工作，他希望將品牌推至國際，目標是要令港人驕傲。
Harris笑言自己大個仔，現時要定性工作，而受到母親徐巧嬌的影響，Harris公餘時間愛旅遊，最愛是買「唔等使」物品，他說：「我最鍾意買太陽眼鏡、書、香水、蠟燭、唱片、頸巾……」除了購物，Harris更愛儲東西，他自認是個「情癡」，其實意思很特別，他說：「每樣特別嘅嘢我都會留為紀念，好似我拍拖時所有嘅機票、戲飛、就連之前女朋友送嘅椰子糖手信，𠵱家已經發晒霉，我都有留低，我好重情㗎！」
【LIVE】渣馬直擊
http://bit.ly/nextmedialive