【本報訊】水貨客棄鐵路改搭巴士運貨，巴士車長首當其衝，苦不堪言。一名車長表示，巴士上只有一名車長，難以阻止一窩蜂衝上車的水貨客，「你擋佢，一係面皮厚當聽唔到，一邊粗口鬧番你。」他稱，礙於太過難做，車長之間均抗拒揸某些路線：「有得揀，寧願揸條過海線，都好過揸口岸線。」
他表示，駕駛B1線逾一年，每日幾乎被人罵：「唔係同水貨客嘈，就係等到火起嘅乘客上車詐司機型。」他稱，有一次，見到一男一女水貨客帶十袋東西上車，令通道水洩不通，尾隨的乘客都無法上車，「我同佢理論，佢當聽唔到，夾硬嚟。」
車務督察：要教育佢哋
昨午五時許，九巴車務督察佘先生登上B1線視察水貨客情況，不時要求他們小心擺放物件，不要阻塞通道。他事後承認臨近春節，是水貨客掃貨高峯期，該線巴士擠滿人和貨，「多數都係行李亂擺，唔聽話。」
佘先生指車長有權拒絕攜帶大量貨物上車的人士，但收效甚微：「冇符，唔通班班車都唔開，唯有盡量協調。」他認為不能太過苛責水貨客，他們可能不覺得自己有錯：「要教育佢哋，加強意識，因為佢哋冇呢啲意識。」
「唔通成日同佢嘈咩？」
九巴分會副主任麥德就表示，B1線已是公認多水貨客的路線，不少車長均大吐苦水，面對無數的水貨客，車長可以做的實在有限：「唔通成日同佢嘈咩？」歸根究柢要多方面努力改善。國際專業保險諮詢協會會長羅少雄表示，在堆滿貨物的巴士上，若發生意外遭貨物壓傷，可向車長索償，因為車長有責任拒載一些不符合巴士規則人士上車，若因一時心軟放行而造成意外，車長責無旁貸。
■記者關震海