【本報訊】年關將至，亞視仍未發放去年十二月的薪金，股東黃炳均寧願以債代糧，也不肯再注資。有亞視員工慨嘆，屢被公司欺騙忠誠，「好荒謬，點會有錢唔出糧，但借錢畀我哋寫借據？」他慨嘆已死心，若繼續被拖糧，再難做下去，「講真，真係好灰，原本都諗住走，但叫到幫幫手留低，咁好喇留低，點知𠵱家搞到咁」。
律師：可申請清盤追薪
有亞視新聞部員工向本報透露，該部門管理層劉瀾昌和陳興昌早於去年九月亞視拖糧時，已私下借錢予個別有需要的員工應急。但昨有報道指，最近二人把債仔「過戶」到黃炳均旗下的昌興物料（國際）有限公司。部門員工對此均感訝異，因從沒有聽聞，且陳興昌也放大假中，「如果係真，有啲唔知點算」。
執業大律師陸偉雄指出，黃炳均以旗下公司向亞視員工免息借錢，並要簽下借據，一旦亞視清盤，員工既是受害人，也慘變成「債仔」。
他指員工可向法庭申請亞視清盤，再向勞工處申請破產欠薪保障基金，討回欠薪和遣散費等，惟處理需時。他認為，雖然股東有權不再注資，但道義上有責任向員工出糧，「如果搞到個個（員工）都意興闌珊，就更加唔會有白武士」。
■記者王家文