上年秋季嘅夏愨村，孕育出無數美好故事。三個藝術工作者就喺呢度相識，並組成藝團「藝民」，希望透過藝術，將佔領運動嘅理念遍地開花。佢哋話喎，佔領運動一個特別之處，係尊重每個人嘅表達藝術，佢哋最近亦付諸行動，用擋過催淚彈、食過胡椒噴霧、嚐過警棍滋味嘅佔中雨傘，製成舒適嘅咕𠱸、梳化，並起名「聚雨傘」。
有好嘢，點會咁自私獨享？查實佢哋都想同市民分享。呢張「聚雨傘」今日起至周日喺石硤尾賽馬會藝術創意中心展出，大家坐喺呢張梳化之上，抬頭就會見到天花板播放有關佔領運動嘅紀錄片，原來係想畀大家重溫瞓馬路爭普選嘅感覺。