關之琳（之之）前晚在會展出席Moiselle時裝騷，同場還有賭王四太梁安琪與女兒何超盈來捧場。與台灣富商陳泰銘拍拖七年的關之琳，有傳將於今年四月在法國尼斯結婚，心情靚爆的她否認婚訊並笑說：「參加呢個fashion show嘛，咪開心囉！唔使恭喜我喇，唔係呀，好多傳聞，（婚訊）都傳咗幾年。」
問到之之有否七年之癢？她說：「唔知會唔會呢？唔知佢癢定我癢呢？」再問現階段尚欠些甚麼因而令至今仍未結婚，她說：「爭啲乜，唔知呀？𠵱家生活都幾好，唔需要啦，咁老。」她更直認一紙婚書對她並不太重要：「對我嚟講，唔係太重要，開心就得，過咗個年紀就唔需要喇！」
採訪：黃曉妍
攝影：陳慧安