張同祖昨日在灣仔接受dbc數碼電台訪問,對於新民黨立法會議員葉劉淑儀,早前公開表示:「港產片唔夠《Transformers》(變形金剛)鬥,一定要同內地合作,或者搵荷李活合作。」祖哥明顯心中有氣,直轟葉劉言論垃圾。
祖哥說:「你問吓葉劉淑儀鬥唔鬥得贏希拉莉(美國前國務卿),講呢啲嘢廢話嚟,垃圾,黐線!掉轉咁講,我哋功夫片美國佬鬥唔鬥得贏我哋?大家都唔同!唔關錢事,係整個電影歷史嘅沉澱。」會否希望不真正認識香港電影工業的官員或議員少評論,以免打擊香港電影工作者士氣?他寸爆葉劉謂:「梗係啦!不過講多啲都好嘅,唔係點自暴其短。」採訪、攝影:文國駿