名模李嘉慧（Sofie）是一九九五年的港姐亞軍，二○○五年嫁給來自馬來西亞、任職金融的任偉成後減少工作，專心相夫教女，最近再傳喜訊，據悉第三位千金於本月七日已出世。
Sofie日前把女兒咬住手指的得意相放上facebook，獲不少朋友留言恭喜，並讚BB女生得好靚。B女跟媽咪一樣手長腳長，頭髮濃密，且有好深雙眼皮及大眼睛。由於B女出世僅兩星期，未能自己坐直，所以要倚在梳化而坐；雖然現在是冬天，但B女身體似乎好強壯，穿上白色細點「蛤乸衣」咬實手指，與旁邊的艷麗花束相映成趣。
重七磅英文名叫Viola
Sofie昨日在電話中透露囡囡英文名叫Viola，她說﹕「個名冇乜特別，因為老公叫Vincent，所以跟番用V字頭。佢出世時七磅，都幾易湊㗎，食飽就瞓，個樣日日變，似足兩個家姐，有時似大女Valerie，有時似細女Sylvia。」問兩位家姐可有呷醋？她說﹕「冇，佢哋好錫、好歡迎妹妹，之前我都有代妹妹送禮物畀兩位家姐。」生了三位千金，可會再追男仔？她說：「我同老公都好鍾意小朋友，見大女八歲，細女六歲，兩個都入讀小學，多咗時間先諗住生多個，但我冇追仔壓力，三個夠晒。」她表示無意復出，但為做靚靚人妻，仍會積極減肥，她說：「𠵱家努力減肥中，因為餵人奶，修得都幾好。」
採訪﹕唐如
