莫文蔚昨日到港台接受訪問，剛度假回港的她，表示正準備下周的澳門個唱：「𠵱家溫習緊啲歌，到時應該會加兩首新歌入去。」莫文蔚透露稍後會出席內地央視春晚演出，有指央視出手闊綽，問到她是次酬勞是否很可觀？她說：「呢啲唔係用錢去衡量，可以上到春晚係榮譽，係用錢都買唔到！」昨晚央視官方微博正式公佈其他歌手演出名單，包括劉德華、那英、李宇春、陳偉霆，鄧紫棋（G.E.M.）等。
近年內地盛行邀歌手參加歌唱比賽，莫文蔚坦言收過邀請：「但因為佢哋一季要錄好耐，所以婉拒咗。」內地觀眾覺得歌手要像G.E.M.嗌歌才算識唱歌？她說：「高低音都飆到，當然會加印象分，但對我嚟講唱歌係唱唔唱到感情。」
採訪、攝影：譚倩宜