周日沙田七草三泥賽事，睇番上季同期1月26日賽事亦係用B加2欄作賽，當日七場草地賽，分別有「邦之星」、「金碧陽光」、「崇山寶」、「天時駿駒」及「友瑩格」放頭帶到，所以一定要優先留意具前速之馬匹。今戰列陣馬中，五場「金碧陽光」贏過兩次B加2欄，場地性能唔使懷疑。另外，九場「乖乖寶貝」三次角逐田B加2欄獲兩冠一亞，反而在田草跑其他移欄從未入Q，呢匹B加2欄專家當然唔可以睇小。
泥地方面，近期後上馬絕對唔蝕底，好似「競駿才子」、「龍城動力」及「好腳頭」都係由中後叠反先對手勝出。頭場「好爽趣」、三場「紅褲仔」及六場「金秋」等擅跑泥地之後追馬值得優先留意。