香港人最現實，根本無乜人想搞港獨，特首在施政報告點名炮轟港大學生報《學苑》，呢番言論其實不是講畀平民百姓聽，而是要向北京交心兼交代，話畀老闆知，我做咗嘢喇！
很多時候，搞營銷的，心態也莫過於此。賣廣告，未必為贏得市民掌聲，而是做給老闆看，為求博取「雄」顏一笑。這一笑，能傾城，有時比起呈上天花龍鳳的Marketing Reports，效果更佳。老闆笑逐顏開，萬事自然水到渠成。
話說有個電芯品牌，大老闆是前政府高層，家住半山，天天經西隧返工。其下屬乃識時務者，長年累月包下西隧最當眼的廣告位，等老闆每日車出車入，都能看到自己品牌的廣告，自我感覺良好。
其實，西隧平均每小時只得二千幾架車，每月幾十萬玩這種全包宴，並不化算。但有時候，價值是不能用錢來衡量，老闆一笑，千金難求。呢類同事，通常有個特質，平時做事不見得特別起勁，但在討好老闆方面就非常賣力。
有次，某信用卡品牌的環球大佬來港，大家都篤定他會由機場乘私家車往酒店。醒目的香港同事，洞悉先機，在沿途重點位置買下廣告，營造品牌全城最紅的幻象。殊不知大老闆臨飛前一晚，才說想試搭機鐵。搞到班同事搏晒老命，通宵趕在機鐵站上廣告，認真狼狽。無法啦，為博老闆一笑，有時是要搵命博。
心水清的朋友，有否留意鰂魚涌的茶餐廳永遠放有鋪天蓋地的可樂廣告？無他，此乃可樂香港總部的據點，老闆神出鬼沒之地。你又有否留意，離島的遊船總放有某牌子的食品廣告？原因是該品牌老闆經常到此，探探海豚。
有時候，使出幾下蠱惑招，討得老闆歡心，大家做事開心，何樂不為？
正是這樣，渣打銀行總行門口的電車站，永遠只放又藍又綠的渣打廣告。與其費索思量討好離身的顧客，不如學識幾招，取悅日對夜對的老闆吧！
文廸晞
mailto:[email protected]