個子嬌小、樣子甜美、身材火辣嘅人妻陳自瑤（YoYo），自從做咗人妻生埋女之後，越嚟越成熟，昨早仲大派福利，喺微博一連貼咗四張比堅尼照，仲寫上：「我喜歡和陽光玩遊戲！這沙灘美的像幅畫，太享受了！」YoYo最難得係身材勻稱，唔係一味靠「Big」，白雪雪之餘仲素顏上陣，natural到震。
至於YoYo老公「Signal王」王浩信，家陣就喺無錫拍緊新劇，前日一早貼咗張半裸晒巨肌嘅相，真係胸肌大過你個頭，但原來嗰陣得攝氏2度……oosshh……呢兩公婆，一個喺陽光與海灘之下晒figure，一個就天寒地凍晒胸肌，果真天造地設嘅一對！