【幾近絕望】
居屋申請人數持續飆升，單身白表申請人幾已絕望，從事電訊業的陳先生嘆「冇眼睇」。他說，交表前已知機會微，打定輸數，「只係買個希望」。他目前與家人同住，但要為將來結婚綢繆。他直言不會乾等居屋，已開始物色負擔得起的私樓單位或二手公屋，望墳景也「照殺」，「睇吓僅有嘅錢可以買到啲乜（單位），新樓肯定唔掂，可能搵環境差啲、舊啲，最緊要有得住，仲點會計較咁多」。
接受調整綠白表比例
特首梁振英豪言房屋問題快將解決，陳先生不以為然，認為梁的說法欠缺數據支持，「佢有佢講，但事實係點，大家心知肚明，我預見到嘅係好多人要繼續住劏房」。他批評政府睜眼說瞎話，應正視問題，助「無殼蝸牛」上車。
與女兒同住勵德邨公屋的鄧先生則以綠表申請居屋，他說，政府政策朝令夕改，擔心自己離世後，女兒頓失居所，寧願「供得辛苦啲」也希望有瓦遮頭，「租嘅始終係租，（單位）買咗就係你嘅，免得（女兒）到時騰雞」。他說，抽居屋如買六合彩，從頭到尾都不抱很大期望，「交完表就睇個天」。他與女兒仍未決定選擇哪個地區的單位，笑言「抽到先算啦」。
房委會資助房屋小組主席黃遠輝早前提出調整白表及綠表獲分配單位的比例，如建議落實，公屋戶往後抽中居屋單位的機會將減低。鄧說「一半一半就最公道」，如政府最終決定修例，「作為小市民都只能夠接受」。
■記者袁樂婷