大摩馬房嘅的黑衣巨人「步步友」上月以驚人姿態喺香港一哩錦標大勝，結果喺2014年浪琴表世界馬匹年終排名榜上，獲評127分，成為全球第三高分馬，認真威水，香港馬會行政總裁應家柏，亦有去到倫敦見證公佈嘅歷史時刻。
「步步友」話咁快將於周日(25日)再出，列陣總獎金高達一千萬港元嘅1600米董事盃，佢嘅騎師莫雷拉表示：「『步步友』近期狀態甚佳，牠是一匹很特別的賽駒，行為舉止、步姿和眼神全都與別不同，已向我們展示了其非凡實力，亦係我策騎過最出色的馬，我當然尊重董事盃的對手，但我對『步步友』信心十足，牠只要交出最佳水準，對手將難以招架。」
大摩表示：「『步步友』已準備就緒，牠日前參加了一課試閘，當時我不在場，但據報牠跑來輕鬆自在。牠目前的體重保持約1300磅，胃口很好，能吃光所有飼料。經過香港一哩錦標一役後，要擊敗牠殊非易事！而廐侶『駿馬名駒』上仗贏得頭馬，以其目前的評分，是時候讓挑戰更高級別的賽事，我期望牠可以取得獎金。」
唔講唔知，大摩對上一次贏得董事盃之時已是1987年，當時乃1400米讓賽，由「卓惑」負140磅勝出，大摩期望相隔28年後第二次贏董事盃。