【本報訊】年輕人參選區議會，目標票源正是同輩人。有本屆首次符合投票的資格「首投族」稱，參選區議會關鍵在行動力，儘管資源上不及主打「蛇齋餅糭」的建制派，但也應當多落區了解民情，切勿躲在網上做「鍵盤戰士」。
不要鍵盤戰士
二十歲的城大學生鄧同學家住將軍澳，兩年前滿十八歲更換身份證時，在入境處登記成為選民，「當時唔太關心政治，咁啱見到咪順手登記埋」。但一場雨傘運動，大大提高了其政治意識。她發現，所屬選區的區議會議席，多屆來都由建制派把持，「但佢嘅蒲頭率好低，好多重大議題都唔見佢出聲。係今年選舉年，先至派月曆同搞平價旅行團」。
她說，投票意向取決於候選人的行動力，多於考慮其政治背景，認為無論是關乎全港、影響地區的堆填區擴建，到小販出沒情況，區議員都應當廣泛收集居民意見，向政府反映。
常有意見認為，建制派的地區工作做得比泛民全面，鄧同學基本上同意，「福利都係行動力嘅一種，換燈膽如果唔係『做樣』，都好重要」，認為泛民過於集中資源在立法會，忽略了地區工作。
不過，她不認同這代表資源較少的年輕參選人「冇行」，「距離選舉仲有好多時間，年輕人參選一定要多落區博表現，唔好只係識用facebook做keyboard fighter（鍵盤戰士），齋講乜都得。」
■記者朱雋穎