【拆局】
雖然香港親北京及建制派人士，對將《國家安全法》引入香港表示反對，但被視為北京「鷹派」的北大法學院教授強世功，仍支持有關建議，有政界中人認為，北京鷹派正為推動《基本法》廿三條立法做勢，「要證明佢哋話香港有境外勢力介入說法冇錯，所以廿三條就要立法」。
該政界人士指強世功有份撰寫一國兩制白皮書，「佢係強硬派，認為要收緊對港政策，以防有境外勢力介入」，現時鷹派明顯要為《基本法》廿三條立法造勢，「佢哋係嚇緊香港人，一係乖乖哋為廿三條立法，一係食一條更辣嘅國安法」。
另一政界人士指，北京鷹派一直說香港佔領運動有境外勢力介入、香港又有港獨思潮，若他們要證明自己研判沒有錯、強硬對港政策正確，「咁下一步就係推動《基本法》廿三條立法，因為佢哋要證明香港真係有國家安全危機，若果唔行埋廿三條立法呢步，咁佢哋之前上報種種香港有國安危機，又點自圓其說？」
■記者莫劍弦