雖然已經踏入新一年，但立法會議員工業界嘅林大輝，念念不忘去年嘅男人最痛。身為馬主嘅佢喺最新一期工作報告自爆，呢一季佢馬廐引入兩隻新馬「超奇妙」同「爆奇妙」，但「爆奇妙」運抵香港通過檢疫後卻不斷腹痛肚屙，屢醫無效，無奈要人道毀滅。大輝引述有厚多士話可能「爆奇妙」個名太「爆」太有霸氣，馬兒無「福」消受。八方問過大輝大師，佢話「爆奇妙」去年九月到港，但之後一直絞腸痧，直至十月五日遭人道毀滅，佢都覺得好可惜，但傷心過後都要振作。
既然個名太「爆」，佢話下隻馬可能叫「小奇妙」，希望三月底前來港。呢個名咁謙卑，應該大吉大利啦。