意大利傳媒日前報道，喺二〇〇〇年歐國盃決賽幫法國射入黃金入球嘅查斯古特（中），喺印超聯短暫效力完普納之後，冇接受到意乙球隊摩德納嘅邀請，決定高掛球靴。雖然呢位三十七歲嘅法國黃金英雄唔再踢波，但會喺意大利球壇發展，事關有指佢會重返祖雲達斯，出任球會總監。如果係真，查斯古特嘅首要任務，就係協助教練艾基利帶領球隊喺意甲力爭衞冕，同埋喺歐聯爭好成績。法國一九九八年世盃同二〇〇〇年歐國盃冠軍成員，好似迪甘斯、白蘭斯、施丹同亨利等陸續掛靴，轉向教練層或講波界發展，家陣若然連查斯古特都唔再踢波，意味一個時代正式終結，難免令「香檳足球」嘅粉絲有啲唔捨得。
識睇，一定係睇足英台【英波Live】：
http://soccer.appledaily.com
http://bit.ly/engballlive