千億舞動，港股昨終收復周一失地。A股周一因融資融券出事爆發小股災，拖累港股尤其H股重傷。中證監見唔對路，漏夜澄清無意打壓股市；周二內地公佈GDP等經濟數據略勝預期，人行又加碼MLF放水；周三更傳出上交所研究擴大滬港通投資範圍至債券、ETF等產品，在多個利好因素刺激下，中港股市連日反彈。不過，觀乎這兩日A股成交，屬技術反彈居多，宜趁反彈減持中資金融股。
外圍方面，瑞士央行上周突然宣佈減息兼與歐元脫鈎，本周輪到丹麥央行意外宣佈減息，市場擔心係「脫歐」前奏。瑞士、丹麥之舉，預示歐洲央行今日議息勢將推出新一輪QE；亦預示將於周日大選的希臘，有機會本月「脫歐」。「脫歐」風波導致環球資金進一步流向債市，由債息睇，美國今年加息機會下降。
港股近月走勢一浪高於一浪，但後市要睇中外形勢，待今日歐洲央行議息、明日滙豐公佈一月中國製造業PMI初值後，將有較明確方向，現階段24400見阻力。近日落後藍籌轉強，明顯有資金流入中資電訊板塊，除因追落後外，亦因獲大行唱好。大摩就指中資電訊商分享鐵塔公司的正面影響，有利成本控制；巴克萊亦指鐵塔公司有助電訊商加強現金流。三大中資電訊商中移動（941）、中電信（728）、聯通（762）之中，我較睇好中移動，估計其盈利已見底；全國FDD牌照料於今年首季發出，將令中電信及聯通的資本開支增加。
盡佔內地4G先機
中資電訊股一向被視為公用股，如今在4G年代下，轉為增長股；中移動係4G先行者，盡佔內地電訊業經營環境利好的先機。招商證券估計，隨着內地4G滲透率提高，中移動今明兩年的每戶平均收入（ARPU）有望增長3.4%及3.3%。
中移動日前公佈，去年十二月4G上客一千八百八十三萬戶，較十一月上客多二百零五萬戶，再創單月新高，4G用戶累計超過九千萬戶。今年目標為4G用戶增至2.5億戶，更會收緊手機補貼、銷售及市場推廣開支，令資本開支減少。在ARPU有望增加，資本開支則減少下，EBITDA料有所提升。
中移動昨破頂兼呈現區域上軌突破及三角形向上突破利好訊號，收報102.1元，升4%。策略上，現價可追入，若不想高追，可候回順至九十九元才吸納，首個目標一百一十元，止蝕位九十四元。近月發表報告的證券商，大摩睇一百一十元，巴克萊、野村則睇一百一十五元。
割柑人
本欄逢周四刊登