特首梁振英公佈施政報告後，下月就輪到財政司司長曾俊華公佈財政預算案。有官場中人笑稱，在梁振英的施政新風下，預算案「期待度」已經大不如前，事關各部門已不可能再像以往般，在預算案中有第二次「分餅仔」機會，也令預算案有新措施出台機會大減，「期待度」自然低。
該官場中人對季陶憶述，以往十月公佈施政報告、翌年二月公佈預算案年代，假如十月那次爭不到資源，通常還可以在二月財政預算案中「博一博」，希望可以翻案爭取。雖然通常機會不大，但「有機會總好過冇」，特別是煲呔年代，政府要大搞利民紓困，通常十月施政報告有一堆措施出台，若發現民意反應麻麻，到二月時，又可以在預算案中「加碼」爭民心。
另一官場中人說，以往十月公佈施政報告、二月公佈預算案做法，可以更彈性回應民意訴求，「有啲資源唔使喺施政報告用住先，睇睇形勢到二月預算案先決定派唔派」，當然在以往做法下，財政司司長可爭取民望的機會自然大增；而梁參考前特首董建華做法，將施政報告安排在一月公佈，「基本上乜嘢都係喺施政報告講晒，預算案唔會有可能再派嘢」。雖然令預算案「期待度」大減，「但財政司司長同樣亦冇乜機會用預算案爭民望，當中有乜含意，畫公仔畫出腸，使唔使呀？」
季陶
周一至周五刊出