金管局總裁陳德霖連續兩日喺亞洲金融論壇出現，驟眼望落去以為佢冇返屋企換衫，佢兩日都係黑色西裝，襯湖水綠領呔，一模一樣，如果唔係冇換衫，就係似着制服。不過望真啲，佢呢兩日嘅領呔花紋係有分別嘅，前日似四方格，噚日就似好多個打斜嘅I字。一早聽聞，陳總鍾意綠色同藍色領呔，估唔到佢真係咁專一。