向來寡言的練馬師告達理，喺呢日(20號)馬房還神儀式中，可以話相當舒服，因為除咗有八面玲瓏嘅太太告安琪幫佢打點一切之外，今年仲多咗個女人幫手，就係佢嘅準新抱、兒子Martin的女友Paris陳穎。始終多一個Paris喺度招呼馬主，現場氣氛當然更好。呢對小情人喺馬房外面還神後，入到馬房再次上香，兩個神情甚至笑容都一致，似喺度求姻緣多啲，莫非好事近？
Martin同Paris感情要好，告達理夫婦亦不遑多讓，期間唔知乜事告安琪好開心，笑晒口撲去攬住丈夫，非常恩愛。馬主方面，「高之格」團體成員黃振南十分體貼，冇兩手空空，與太太買了數盒西餅到場，慰勞馬房手足。