以下是兩個讀者的留言:
一)「病咗都要老闆批?已經病到死吓死吓,whatsapp你係想通知你,否則連whatsapp都唔會畀你,你有無試過病?同埋,如果老闆好嘅,啲下屬多數都會對你好,為老闆設想。如果老闆衰,你就唔好怪員工辭職唔交帶,你對員工差,員工真係理得你死,話知你要時間請人!」
二)「有啲嘢叫基本尊重,你尊重人哋,人哋才尊重你,通知係一個尊重,做事有頭有尾,有交有帶,老闆才會委以重任,你都唔會畀啲重要嘢嗰啲無交帶嘅人跟,陣間唔見咗人咪大劑。」
不用見真人,從兩個人的留言我經已清楚二人的分別,包括但不止於性格、態度,及各方面的高低。那位仁兄「質」得好,我的確沒有甚麼病,只不過長期偏頭痛間歇腸胃抽筋之嘛!又有幾辛苦?自己的事自己做,頂多邊嘔邊暈邊繼續,何須打電話請假?所以未能體會仁兄病到打個電話都不能的苦況,真的很遺憾!
講到尊重,仁姐說先尊重人,自己才會得到尊重。正確,不過調亂了次序,正確是先尊重自己,才會得到他人尊重。自己前途操控在自己手上,老闆無良上司賤夾衰又如何?誰的工作人生路上可以避免遇上幾個壞人或人渣?明知此地不宜久留,理應更加發憤做到最好磨利突出自己以便盡快搵工跳槽才是,怎麼自殘放軟手腳積極懶散配合扮無尾飛砣,練習如何做冗員?自己的能力、工作的水平,是無論如何絕對不會因為其他人低而調低去配合咁白癡的!
對一份毫無意義毫不留戀的工作,應該一早走夾唔唞,還堅持留低繼續病寫短訊?究竟和誰過不去?仁兄仁姐兩個之中請一個,你會請邊個?
張慧敏
http://www.facebook.com/HKcareerdoctor