上月28日賽後，上季冠軍騎師潘頓一直停賽，今期(21號)才作個人新一年首戰，獎金及策騎費損失不可謂不大。猶幸潘頓停賽期間並沒有失去騎師榜亞軍位置，目前仍緊隨雷神，數字上保持衛冕機會。季內潘頓刑滿首戰例起孖，加上要追趕雷神，今期谷草必全力追數；座騎中「路路發」及「薑餅人」最有機會起孖。
第一場「路路發」谷草唯一在1200米上過名，該役於四班跑贏「回鄉更好」而跟「龍華太旨」串Q，水準甚高，苦戰多時仍未開齋之馬，相隔大半年重跑谷草尋找突破，部署似足早前打開勝門的廐侶「天弓」，戰意毋庸置疑。
第五場「薑餅人」四戰三班谷草1200米，取得兩冠一亞一殿，俱由潘頓經手，最高曾於82分上名，現評79分有空間發揮。馬主早前小登科，人逢喜事精神爽，今仗有望重返凱旋門。仲有「慷慨寶」同「喜喜寶」兩隻寶，都屬於潘頓有力數糊嘅馬，唔知你鍾唔鍾意呢？