中環在線:王健林3億入股西甲球會 - 李華華

中環在線:王健林3億入股西甲球會 - 李華華

西班牙傳媒噚晚爆料話前中國首富、萬達商業(3699)最大單一股東王健林,將會斥資四千萬歐元(大約三億六千萬港元)入股西甲球隊馬德里體育會,仲話萬達將會喺星期三搞記招,大家一於留意下王健林屆時會唔會同啱啱回巢嘅「王子」費蘭度托利斯同場合照啦。
眾所周知國家主席習近平熱愛足球,軍人出身嘅王健林今次睇中馬體會,唔知係咪睇中佢哋防守紀律嚴明、華而不實嘅特質,上賽季仲成功「打老虎」,喺班霸皇家馬德里手上奪西甲冠軍,同出名強硬嘅習總擁有相似嘅特質呢?
查實今次唔係王健林第一次投資西班牙,早前萬達集團都斥資二億六千五百萬歐元(大約二十八億港元)購入西班牙馬德里市西班牙大廈,遲啲唔知會唔會將物業平價出售,當員工福利賣畀一班馬體會球員呢?