各位經常留意新聞女主播消息嘅高登仔唔使擔心，啱啱辭咗職冇做有線主播嘅曾美華（Carman），唔夠一個月，已經有新動向，就係幫一隻護膚品牌拍廣告。新廣告已經上載至Youtube，單睇標題係《曾美華的敏感故事》，已經令高登仔心癢癢；條橋都係食住Carman係新聞主播嘅gimmick，由佢現身說法講番，曾經因為用錯護膚品搞到皮膚又紅又痕，搞到要請假停報新聞一日。
到底件事係點㗎？原來有一次，Carman因為轉咗化妝品牌子，落咗妝之後出現紅點嘅敏感症狀，搞到第二日要請病假，免得影住佢個大頭時就會好醜怪。而喺分享心得之時，Carman仲喺短片中露出香肩，唔知高登仔有咩評價呢？不過八方都想提提大家，記住Carman今次係拍緊廣告，唔係報緊新聞呀。