五歲小朋友在女廁警惕地問：「我長大後，差人叔叔在女廁暗角非禮我，點算？」收生果籃收到手軟的一哥，代言回應：「慈母摸吓，人之常情。」
五歲小朋友食住海鮮問：「我長大後，青少年軍總會仍然搵一隻龍蝦做總司令，會不會秋後算賬，告我食了她那隻車？」龍蝦個女代答：「我阿媽表裏不一，你不是她蝦腸裏的一條蟲，冇資格f×××她，留番俾我！」
五歲小朋友罰抄「我是中國人」689次，累極問：「點解老師說：『沒有香港人的』，我長大後，認自己是香港人的話，會不會被控分裂國家？」鄭左堂搶吳得掂支咪代答：「對付你們這種港獨煽動者，放棄等於益你！等我預告你知，公屋居屋，唔使旨意抽到，年青人，等住屈死一世劏房啦！」
五歲小朋友用雨傘擋住媽咪部iPhone 6 Plus問：「我長大後，照用媽咪的手機，唔買小米，算唔算外國勢力端倪？」葉劉答：「放長雙眼都睇到係！」
五歲小朋友問：「我長大後，香港死未？」林鄭答：「機不可失，我保證到時幫你搵番個黑盒！」