協助青少年創業成為呢期政圈嘅潮流，政府都推出三億元「青年發展基金」，借創業推動青少年向上流。身為前特首嘅董建華都唔執輸，以團結香港基金創辦人身份，搵嚟佢嘅老友、阿里巴巴集團主席兼基金顧問馬雲嚟港發表演說，題為「馬雲與青年有約：從夢想到成功創業」，呢次仲要係基金成立後嘅頭炮活動。八方聽聞，馬雲一直係阿董基金嘅大水喉，估唔到佢出錢之餘又出力。阿董就喺新聞稿話，今次請馬雲嚟港，係想佢同年輕人分享創業經驗，鼓勵有夢想嘅青少年，開闢美好未來。
交流會喺二月二日晚上七點至八點半喺會展舉行，用普通話主講，費用全免。要攞飛入場，就要喺星期六（24日）或之前登入呢個網頁 http://www.eventbrite.hk/e/15370743307瀏覽領取辦法。門票有限，先到先得。