離開大台後方健儀去過ICAC，不過約滿後就冇再續約，反而向其他範疇作新嘗試︰「做咗一個文化節目，算係我離開廉署後，第一個freelance工作，遊遍大江南北、介紹吓啲民族咁樣。」
轉行做埋旅遊節目，擺明同胡慧沖杜如風打對台咁話？方健儀話有啲嘢改唔到o架︰「導演監製搵我做呢個節目嗰陣，唔想我用主播嘅形象，或者新聞方式表達，而係要我當自己去旅行咁。但我哋有一種病，不知不覺間又做返個主播！」徐緣聽到都好有同感︰「就算𠵱家做訪問，雖然唔係報新聞，但你哋個語氣都好四平八正，所以你去做文化節目嗰陣，一定唔似杜如風！」咁，係好定唔好先？
一至五《亂噏24》！主播轉行新挑戰！