幻想一下，如果你男朋友用報新聞咁嘅tone同你談情，你會有乜嘢feel？其實出鏡報新聞要chok起把聲，同平日講嘢語氣大大不同，體育新聞王子伍家謙就大爆笑料︰「有人搵我去做個有關體育嘅嘢，錄一個片段，譬如聽日有場球賽，咁我就講「聽日星期日，就會進行東方對乜乜乜」，跟住人哋就會話「家謙你停一停先，可唔可以似講嘢多啲？」但係我覺得，我o依家真係講緊嘢喎！」
成日咁上身會唔會影響社交生活o架？家謙就話係不自覺嘅︰「把聲一準備好，就自然進入咗嗰個mode！咁多年講嘢都係咁。」職業病嚟講，呢種算唔算？
一至五《亂噏24》！主播都有職業病！