一年一度全港運動盛事渣打馬拉松即將起跑，港人對呢個活動又愛又恨，愛嘅係好少有機會全民參與通街跑，恨嘅每年渣馬都製造大量垃圾。環境局今年就主動出擊，計劃渣馬當日派人幫手收集蕉皮、膠樽等垃圾，仲會派人監測西隧空氣，又會喺幾個地點向跑手提供即時空氣質素健康指數。
呢啲本來都係好事，但唔知點解環境局副局長陸恭蕙咁趣致，只係搵咗幾間電子傳媒同友好報館吹風。有環團人士仲話，Christine溫馨提示佢哋，今年渣馬環保問題由政府處理得嘞，環團可以休息吓。
記得Christine在野嘅時候相當勇武，做咗好多嘢迫使政府提高透明度，包括「公開資料守則」，唔知有乜嘢令佢入咗添馬艦後咁大改變？環境局就解釋，吹風會係渣馬主辦單位安排，Christine都係受邀出席。哦！委屈晒了！