張敬軒前晚以晒「頭馬」造型出席勁歌金曲頒獎禮，首奪最受歡迎男歌星，不過近期hit爆的《青春常駐》，竟然不敵洗腦歌《越難越愛》而落敗金曲金獎，昨日軒仔到商台出席活動，他表示：「每個台對音樂同歌手都有個人喜好，而且劇集歌係入屋啲，連我阿媽都識唱，叫佢唱我首歌可能唔識唱。」
前晚完騷後，軒仔被問到密友關智斌近日回港，二人會否相約慶祝？他笑說：「我睇祖兒微信見佢走咗，佢返嚟簽糧單，諗住過肥年。我會同公司同事食餐飯，仲有請啲恩人，好似Wyman（黃偉文）、譚玉瑛姐姐。」不過他坦言希望放假：「演唱會之後都冇休息過，都有一年冇放過假，一年冇放過假換今年12個半獎，如果一個獎可以換一日都好。」
採訪、攝影：王連連