基斯坦奴朗拿度（C朗）喺上周六梅開二度，美斯（左）就喺周日大演帽子戲法，幫巴塞隆拿作客以4:0大炒拉科魯尼亞！雖然美斯喺射手榜落後C朗九球，但如果佢喺下半季回復勇態，話唔定都過到㗎！喺呢場之前，美斯已經連續五場聯賽作客冇波入，俾人話作客腳軟。但喺星期日對拉科，美斯終於入番波，仲一入就三球，最難得嘅係佢開紀錄嗰球，因為美斯係用頭槌入㗎！佢之後入多兩球，加埋對手薛尼列曹擺烏龍，巴塞最後大勝拉科4:0。美斯今季入咗十九球，落後射手榜首、廿八球嘅C朗。呢場教練安歷基亦好似突然開竅，唔再亂咁排陣，用番上場聯賽贏馬德里體育會個陣。
費托正選馬體會又贏
另外，馬體會呢輪聯賽都贏波，費蘭度托利斯又正選，雖然佢冇入波，但靠文迪蘇傑同魯爾加西亞各入一球，佢哋周日主場贏CF格蘭納達2:0。
識睇，一定係睇足英台【英波Live】：
http://soccer.appledaily.com
http://bit.ly/engballlive