【創業個案】
年輕人創業路上波折重重，想開食肆更是「一牌難求」。三十歲的阿Tim夥拍兩名空手道港隊代表李嘉維及張均樂，於遊客區開設小食店，不但未能收支平衡，開張半年仍未取得正式牌照，更兩次被食環署票控，大嘆「好辛苦！」
「日日都要蝕住做」
阿Tim去年五月與李嘉維及張均樂合資一百多萬，於尖沙嘴嘉蘭圍開設小食店，主打各式串燒，「老細係港隊成員點都有啲Gimmick」，花一個月完成裝修，未及批出臨時食品製造廠牌照已開張，即遭食環署兩次抄牌。
他稱早已找「牌佬」幫忙申請牌照，沒想到遲遲未能批出，「後生仔開舖，一蚊都蝕唔起」，只好依從「業界慣例」，一邊營業一邊繼續申請。惟在七月取得臨時牌照後，至今半年仍未獲正式牌，「上到庭交錢（罰款），連個官都問原來申請要咁耐」。
開咖啡店花六十萬
七百呎的舖位雖然面向內街，但月租仍要六萬，阿Tim指交租已花去每月所有收入，「日日都要蝕住做」。他稱請人是最難一環，目前店內僅請了一名廚師，「始終要個專業人士去做」，而三個老闆則輪流上陣做夥計，「本身我負責做marketing，但都要親手去做，連老細都冇糧出」。他認為「一蚊舖」可以免去租金成本，對計劃創業年輕人吸引力大，「早知我都去申請」。
二十九歲的阿謙則在西貢開設主打自家果醬的咖啡店，前後花去約六十萬，以售賣全日早餐為賣點，吸納不少客源，開張至今年半，自言生意尚可接受。作為行內的新手，他指在申請牌照問題上同樣遇到困難，「要去搵唔同部門，完全冇頭緒」，結果要額外花兩萬元請人代辦。
家住西貢的阿謙對附近店舖租金行情較為熟悉，開店選址避開大街，租金相對較便宜，經營上有一定優勢。但他在聽聞有「一蚊舖」資助後亦覺吸引，「你開一間食肆分分鐘都要成百萬，𠵱家起碼唔使租先」。
■記者佘錦洪、譚靜雯