今時今日要做港孩，A for Astronaut、C forChimpanzee可能已經係基本要求，但估唔到仲要做埋「烘焙港孩」。網上流傳一份幼稚園工作紙，要求港孩將唔同類型材料以及製成品，做連線練習。材料包括高筋麵粉、中筋麵粉、低筋麵粉、糯米粉、粘米粉，要小朋友解答，究竟邊種材料可以製成饅頭、鬆餅、蛋糕、腸粉、年糕（圖）？
網民一見到呢張工作紙，嘩聲四起，反問呢間幼稚園嘅校長，識唔識答呢條題目？又話即使大、中、小學生都未必識，何況幼稚園學生呢？香港教育制度逼瘋人嘅程度，真係情何以堪？有家長就話，原本諗住報讀呢間幼稚園，𠵱家真係不必了。