「我要真普選」嘅條幅，掛一條，拆一條，再掛一條，由獅子山掛到魔鬼山，市民爭取真普選嘅決心不死，即使離開香港，市民都要將「我要真普選」嘅條幅同貼紙，四處宣揚。最新出現「我要真普選」嘅地方，唔再係一般港人嘅旅遊勝地咁簡單，而係極地。
近日舉行的南極一百公里極地超級馬拉松，香港嘅正生書院畢業生同其他參賽者參賽，佢哋喺南極拉起黃色嘅「我要真普選」橫額（圖），將真普選嘅精神傳到南極，嗱，成日叫相關部門拆橫額嘅特區政府，今次都肯定冇佢辦法。所有香港參賽者最終順利完成賽事，其中康宏金融主席王利民以十六小時六分獲得第三名佳績。