有咩人你晚晚喺電視機見到，數落仲分分鐘見得多過羅樂林？根據非正式統計，怕且見得最多嘅電視人物，就一定要數到佢哋——新聞主播喇！今輯《亂噏24》破天荒搵嚟兩位俊男美女主播，方健儀同伍家謙同大家齊齊亂噏。點解咁破天荒？因為主播形象需要客觀同中立，平時要搵主播做訪問，機會係近乎0 呀！
兩位拍擋咗幾年嘅主播喺《亂噏24》重逢，似乎又幾心有靈犀，不約而同著藍色衫，有冇橋成咁呀？Tanya就對於方健儀回歸螢幕前特別感慨︰「當日句「後會有期」，真係「會」得到喇！」勢估唔到，仲要喺動新聞再會呢！
星期一至五《亂噏24》！老拍擋久別重逢！