英超周一夜場獨腳戲，由近況平平的愛華頓迎戰易帥後表現回升的西布朗。計近況，西布朗贏晒，但足智彩竟開出愛華頓讓半/一，下盤似乎太筍；加上近仗英超周一場利熱門一隊，而且拖肥糖人腳始終高些少，一於逆思考取愛華頓上盤。（球賽編號：星期一7；now621台明日4:00am直播）
西布朗自從換上普利斯掌帥後，連續兩場取勝兼且零失球，在周一訪愛華頓時竟受讓半/一，下盤似乎很筍。不過，要留意的是西布朗今役並未能「夫添」，後衞莊拿斯奧臣受傷，中場穆林保要參戰非國盃，而後衞積遜大衛臣則要踢亞洲盃而缺陣。另外，球隊今屆作客亦表現平平，近八仗作客只得一勝兩和五負，就算受讓，也不宜過份高估。
雖然西布朗有前鋒比拉希奴腳風頗順，但這名英格蘭新星一直想在一月轉會窗關閉前離隊，而近仗他每有入球都不跟隊友慶祝，有這種有離心的球員在陣，始終影響軍心。
近況轉好士氣佳
愛華頓無疑近況甚差，連續七場不勝，除一眾傷兵如門將侯活、後衞迪斯甸、希拔及奧士文等續未能候命外，更有翼鋒艾登麥基迪因為於上仗被逐，今役要坐波監，似乎集多個不利數據於一身。要留意的是，拖肥糖其實近況已有回升，連續三場不敗，當中包括於主場逼和衞冕的曼城，故士氣不俗。
另外，拖肥糖其餘主力如前鋒盧卡古、中場米拿拉斯及後衞巴尼斯等都可以披甲，又有超新星巴克里可以壓陣，球隊有一定實力，加上代替侯活把關的二十四歲門將祖爾盧保斯表現頗穩健，故今役有力終止近仗的不勝走勢。
西布朗對賽輸蝕
有一點值得留意，近仗英超周一場，都有利熱門（即讓波）的一隊，近四次皆開出熱W（見另文）；而且愛華頓近三次迎戰西布朗，共獲兩勝一和。「讓球」愛華頓讓半/一，信數據兼信陰謀論的朋友，不妨取上盤。波膽方面，由於西布朗有一定入球能力，故宜取愛華頓勝2:1，有七倍。
文：吾中
識睇，一定係睇足英台【英波Live】：
http://soccer.appledaily.com
http://bit.ly/engballlive